Kaluumeysatada deegaanka Garacad ee gobolka Mudug ayaa cabasho ka muujiyay kooxo deegaankaasi jooga oo weeraro la beegsanaya Saxiimadaha Kaluumeysiga.
Kaluumeysatada deegaanka Garacad ayaa sheegaya in xalay weerar lagu qaaday saxiimado kaluumeysi oo ay lee yihiin islamarkaana laga furtay matooradii halka ragii saarnaana dhaawacyo loo geystay.
Kaluumeysatada ayaa ku eedeeyay kooxo abaabulan oo deegaanka Garacad jooda in ay masuul ka yihiin weerarada lagu qaadayo saxiimadaha kaluumeysiga taasi oo ay ku tilmaameen caqabad soo korortay.
Maalin ka hor sidoo kale kaluumeystada deegaankaasi ayaa sheegay in 4 matoor laga furtay saxiimado kaluumeysi oo ay lee yihiin kuwaasi oo wali ku maqan gacanta kooxihii qaatay.
GAROWE POST