Wasaarada Caafimaadka Lubnaan ayaa shaacisay in mudadii uu socday dagaalka u dhaxeeya Xizbullah iyo Israa’iil gudaha Lubnan lagu dilay in ka badan 3,000 oo ruux.
Tiradaasi ayaa laba jeer ka badan dadkii reer Lubnan ee lagu dilay dagaalki Xizbullah iyo Israa’iil dhex maray 20 sano ka hor.
Israa’iil ayaa dhankeeda sheegtay in ay wado howlgalo ay ku beegsaneyso kaabayaasha Xizbullah meelo badan oo ka mid ah Lubnan, halka Xizbullah ay sii waddo gantaallada culus ee ay ku garaaceyso waqooyiga Israa’il.
Dhinaca kale wargeyska Israa’iil ka soo baxa ee Yedioth Ahronoth ayaa ku warramay in guutooyin ka tirsan ciidanka Israa’iil laga soo saaray xadka Lubnaan taasi oo ka dhigan in hoos loo dhigi doono howlgalkaasi.
GAROWE POST