Mileeshiyaad hubaysan oo horleh ayaa xalay ku biiray kooxo burcad-badeed ah oo markab ku haysta xeebaha gobolka Nugaal.
Wararka ayaa sheegaya in rag hubaysan oo gaaraya ilaa 10 qof ay xalay ku biireen burcad-badeeda haysta markab kalluumaysi oo laga lee yahay Shiinaha kaasi oo ku af duuban xeebaha degmada Eyl ee gobolka Nugaal.
Markabkani oo ay saaran yihiin 18 shaqaale ah ayaa laba todobaad ka hor laga qafaashay xeebaha degmada Xaafuun ee gobolka Bari waxaana afduubtay ilaaladii sugaysay amnigiisa inkastoo markii danbe ay ku biireen rag kale oo hubaysan.
Burcad-badeeda haysta markabkani ayaa dalbanaya in la siiyo lacag madax-furasho ah oo dhan $5 milyan oo dollar islamarkaaka waxay diideen lacag hal milyan oo loo bandhigay si ay markabka uga degaan.
GAROWE POST