Safiirka dawladda Indonesia ee Soomaaliya Ambassador H.E. Dr. Mohamad Hery Saripudine ayaa maanta lagu soo dhaweeyay garoonka diyaaradaha magaalada Boosaaso.
Safiirka waxa soo dhaweeyay wasiirka wasaaradda caafimaadka Dawladda Puntland Mudane Siciid Jamac Qorsheel oo ay wehelinayeen lataliyaha madaxweynaha ee caafimaadka Dr Cabdirahmaan Siciid Gacamey, agaasimaha guud Dr Mohamed Mohamuud Xidig, agaasimaha qorshaynta Idiris Cabdulaahi Maxamed iyo masuuliyiin kale.
Safiirka waxa ku weheliyay safarka madaxa hayada Gargaarka ee Indosia (CEO of Indonesian Aid) oo uyimid inay daahfuran mashruuca dhismaha Qayba Gargaarka Xaalada adag (ICU) ee isbitaalka Manhal kaas ay maalgalisay Dawlada indonisia dhismihiisa qalabayntisa iyo Tababarka Shaqaalaha sidoo kale waxaa mashruuca wehliya qalabaynta iyo Tababarka Shaqaalaha ka shaqynta qaybta la tacaalida Xaaladaha liita (ICU) .
Wasiirka ayaa uga mahad-celiyey Dawladda indonisia maalgalinta dhismaha qaybta gargaar xaaladaha Liita (ICU) kaas oo dabalooli doona baahida loo qabo la tacaalida xaalada liita, sidoo kale safiir ayaa sidoo ku kale uga mahadceliyeey soo dhawaynta diiran ee ay u sameyey dawladda Puntland iyo shacabka isaga uu sheegay in ay wadi doona taageerada maashaariicada.
GAROWE POST