Cutubyo ka tirsan Ciidanka difaaca Puntland ayaa maanta tababar looga furay dugsiga tababarka Ciidamada ee Xorgoble Qardho.
Cutubyadan oo ka tirsan ciidanka Birmadka Madaxtooyada Puntland ayaa waxa tababarka u furay taliyaha ciidanka birmadka madaxtooyada G/dhexe Mohamed Axmed qoolaali oo ay weheliyaan saraakiil kale.
Ciidamadaan ayaa mudada ay tababarka ku jiraan waxay qaadan doonaan, casharo la xariira difaaca dalka, ka hortagga khataraha deg-dega ah iyo howlgalo khaas ah oo ciidanka ay bari doonaan saraakiil khibrad sare u leh casharada ay bixinayaan.
Saraakiisha ayaa sheegay in dowladda Puntland ahmiyad gaar ah siisay tayeynta iyo horumarinta ciidamada waxaana tababarka kusoo aadaya iyadoo hada uu socdo qorshaha koowaad ee dowladda oo ah soo afjarida argagixisada ku dhuumaalaysanaysa buuralayda Puntland.
GAROWE POST