Duqeymo ay fuliyeen diyaaradaha aan duuliyaha lahayn ee Ukraine ayaa sababay dab weyn oo qabsaday haan shidaal oo ku taalla goob saliidda laga soo saaro oo ku taalla dekedda Azov ee koonfurta Ruushka Talaadadii, sida ay sheegeen saraakiil Ruush ah iyo ilo sirdoon oo Ukraine ka tirsan.
Wasaaradda xaaladaha degdegga ah ee Ruushka ayaa sheegtay in koox weyn oo dab-damis ah ay la tacaalayeen dabka. Kanaalada gobolka ee abka fariimaha Telegram ayaa sheegay in taangiga methanol uu gubanayo.
Ilaha Ukraine ayaa u sheegay wakaalada wararka ee Reuters in weerarka ay ka danbeeyeen ciidamada amaanka ee Ukraine (SBU).
“Dab xooggan ayaa ka kacay xarumaha ka dib markii lagu guuleystey in la geeyo diyaaradaha aan duuliyaha lahayn ee SBU,” ilo-wareedka ayaa sheegay, isagoo intaas ku daray in wakaaladda SBU ay sii wadi doonto weerarrada xarumaha sifaynta saliidda ee Ruushka si ay u carqaladeeyaan dadaalkooda dagaalka.
Dekadda Azov waxa ay leedahay laba terminal oo saliid ah, DonTerminal iyo Azovproduct, kuwaas oo gacanta ku hayay wadar dhan 220,000 oo tan oo shidaal ah oo la dhoofinayey muddadii u dhaxaysay Jannaayo ilaa Maajo 2024.
Garowe Post