Madaxweyne Ku-xigeenka Dowladda Puntland Ilyaas Cisman Lugatoor ayaa dhagax dhigey Garoonka Kubada Kolayga oo ay maal-gelinayso Hay’adda GIZ ee Jarmalka.
Madaxweyne Ku-xigeenka ayaa bogaadiyey Wasaarada dhalinyarada iyo Ciyaaraha oo dedaal badan gelisay sidii loo hirgelin lahaa Garoonka iyo dowladda hoose ee Garoowe oo dhulka ku deeqday.
Ugu dambayn Madaxweyne Ku-xigeenka ayaa uga mahadceliyey Hay’adda GIZ mashaariicda horumarineed ee ay ka wado Puntland, isaga oo ku booriyey inay sii xoojiyaan.
Dhagax-dhiga waxa ka qayb galay Wasiirada dhalinyarada iyo Ciyaaraha Puntland Hodan Siciid, Duqa Caasimada Puntland Cabdiqaadir Maxamed (Geedi) iyo masuuliyiin ka socday Hay’adda GIZ.
Garowe Post